Panataleon Alessandri hè bancalaru. Stallatu in Nucariu, paesolu d'Orezza, ha una rilazione speziale incù u castagnu. Per ellu, ghjè l'arburu d'una vita sana: quellu chì da à manghjà ma chì da dinù u legnu per fà mobuli, intittatura, , tavulatu, stuletti è ughjetti di tutte e mamme ! L'arburu ch'ha datu à i paisani à capacità di campàç è certe volte di resiste...
In u so attellu di Nucariu, Pantaleon ha lasciatu una piazza à u torniu. Ellu chì ghjè l'ultimu à sapè fà e sedie orezzinche, l'adupreghja à spessu. Ma ancu per fà ughjetti più semplici, cume per esempiu sti pulendaghji, da fà cantà a nostra farina castagnina !
Per noi, ghjera chjaru chì ci vulia à fà calcosa ingiru à s'ughjettu miticu! Ch'ellu ritrovi a so piazza in tutte e cucine corse, in paese o in cità!
Vede l'unicu articulu
In cità o in paese, in appartamentu o in villà, solu o in cumunità: nimu pò passà l'inguernu senza fà si una pulenda ! E nimu pò stà senza un pulendaghju in casa soia ! Hè detta !
Turnatu in legnu di favu da Pantaleon Alessandri in Nucariu, st'arnese lindu è paisanu truverà a so piazza in a vostra cucina è vi permetterà di strazià incù piacè prima di tichjà vi!
