Esse maravigliata da e castagne è i castagni, va bè, ma chì ne femu di stu sintimu ? Sparte lu è sparghje lu, ghjera u scopu di a mo piccula residenza creativa in Savaghju, sott'à a Monte d'Oru.
Da u 14 à u 16 di nuvembre, sò stata accolta da a squadra di u centru immersivu per approntà è sperimentà attelli zitellini ingiru à a castagna. E sapete chè ? Ci simu campi!
U prugramma era riccu : spassighjata puetica è pedagogica in u castagnetu per scopre l'arburi è e so cure; ma dinù per amparà à fà curone di fronde è per raccoglie tesori di vaghjime!
Attellu di land art nustrale, attellu di scrittura, attellu vesperinu, attellu canzona... Tante uccasione di capisce chì a castagna si manghja, si guarda, si canta, si face è chì soprattuttu u gustu di a castagna si sparte è si sparghje!
