Charlotte Raffalli disegna dapoi sempre. A spessu incù l’anni chì passanu, u tempu manca, a vita cambia, ma Charlotte ùn ha mai piantatu. Ancu in furia fatta, nant’à pezzettucci di carta, senza mancu pensà ci troppu, chjappava sempre calchì penna bic chì li cascava.
Appena cume a so leia incù a Corsica : ha sempre circatu à rinnuvà la, ancu puru quandu c’era a distanza, ghjera quantunque un affare di custanza. E ghjè forse per fà rinnasce i ricordi zitellini chì Charlotte s’hè rimessa à u disegnu di manera seria. Quand’ella s’hè avvista chì u piacè ch’ella pigliava era paru à quellu ch’ella dava, ha cuntinuatu di più bella à ridà vita à tradizione, ghjent è gesti chì li sò cari.
Face avà più d’un annu ch’ella impenna u so bic incù determinazione, per riproduce o inventà scene di vita piene di sensibilità è di finezza.
Tra i belli mumenti ch’ella cerca à unurà, ci sò ste stonde beate induve chì si face a pulenda ! E di sicura à noi, innamurati di a castagna, ci dà un’emuzione particulare! Ci truvemu a spartera, l’allegria è a semplicità : una trilugia sacra!
Per lancià a nostra cullaburazione, cumincemu dunque incù st’affissi belli, à u furmatu A3.
Vede l'unicu articulu
Sta riproduzione hè à u furmatu A3, vale à dì 297mm x 420mm
L'"affissu hè statu stampitatu à parte si da u scan di u disegnu uriginale, fattu à a penna bic.
Carta 180g & stampera laser
U megliu hè d'inquadrà l'affissu, chì cusì serà pruttettu!
